Shravan Somwar | Superfast News |राज्यभरातील मंदिरांमध्ये महापूजा, उज्जैन-काशीत भस्म आरती

पहिल्या श्रावणी सोमवार निमित्त राज्यभरातील मंदिरांमध्ये भाविकांनी दर्शनासाठी गर्दी केली. मुंबईतील बाबुलनाथ मंदिर, ठाण्यातील टोपीनेश्वर मंदिर, पुण्यातील भीमाशंकर आणि भुलेश्वर मंदिर, जळगावमधील ओंकारेश्वर महादेव मंदिर, नाशिकमधील त्र्यंबकेश्वर आणि मनमाडमधील नागेश्वर मंदिर येथे भाविकांची मोठी गर्दी होती. नाशिकमध्ये पावसाची संततधार असूनही रामकुंड परिसरात भाविकांनी गर्दी केली. येवल्यातील महामृत्युंजय मंदिरात महादेवाला अभिषेक करण्यात आला. साताऱ्यातील यवतेश्वर महादेव मंदिर, रायगडमधील हरिहरेश्वर मंदिर, सिंधुदुर्गमधील कुणकेश्वर मंदिर, हिंगोलीतील औंढा नागनाथ मंदिर येथेही भाविकांची गर्दी होती. आमदार संतोष बांगर यांनी औंढा नागनाथ येथे सपत्नीक पूजा केली. बीडमधील परळी वैजनाथाच्या दर्शनासाठी राज्यभरातून लाखो भाविक दाखल झाले. नारंगी मुंडेंनी भाविकांना फराळ वाटला. गोंदियातील नागर धाम आणि भंडाऱ्यातील बहिरंगेश्वर मंदिरातही भाविकांची गर्दी होती. छत्रपती संभाजीनगरमधील घृष्णेश्वर मंदिर आणि सोलापूरमधील श्री सिद्धेश्वर महाराज मंदिरातही भाविकांनी दर्शनासाठी गर्दी केली. सिद्धेश्वर महाराजांच्या योगसमाधीला सहा प्रकारच्या ८०० किलो फुलांनी आकर्षक सजावट करण्यात आली होती. उज्जैनच्या महाकालेश्वर मंदिरात पहाटे भस्म आरती संपन्न झाली, तर वाराणसीतील काशी विश्वनाथ मंदिरातही पूजा अर्चा करण्यात आली.