Shiv Sena Vidarbha : विदर्भातील पक्षांतर्गत वादाच्या पार्श्वभूमीवर शिवसेनेची शिवसंवाद यात्रा

पश्चिम विदर्भात शिवसेनेतील अंतर्गत वाद शिगेला पोहोचला असताना आजपासून पक्षाची शिवसंवाद यात्रा सुरु होतेय. विदर्भात शिवसेनेेचे खासदार असताना मुंबई आणि मराठवाड्यातील खासदार विदर्भात शिवसंवाद यात्रा करणार आहेत. या यात्रेत खासदार भावना गवळी यांची अनुपस्थिती लक्षवेधी ठरतेय. या यात्रेच्या निमित्तानं खासदार संजय राऊत नागपुरात ठाण मांडून आहेत. तर अकोल्यातील शिवसेनाअंतर्गत वादाच्या पार्श्वभूमीवर हिंगोलीचे खासदार हेमंत पाटील चार दिवस अकोल्यात असतील. खासदार गजानन किर्तीकर अमरावतीत तर राहुल शेवाळे गडचिरोलीत शिवसंवाद यात्रा करतील.