Thackeray vs Shinde :'यंदा महापौर आपलाच', Matoshree बाहेर Shinde गटाच्या बॅनरबाजीने ठाकरेंना डिवचले

मुंबई महानगरपालिका (BMC) निवडणुकीच्या पार्श्वभूमीवर, शिंदे गटाचे विभागप्रमुख कुणाल शर्माळकर यांनी उद्धव ठाकरे यांच्या 'मातोश्री' निवासस्थानाबाहेर बॅनर लावून राजकीय वातावरण तापवले आहे. 'यंदा महापौर आपलाच', या बॅनरवरील घोषणेमुळे थेट ठाकरे गटाला डिवचण्याचा प्रयत्न झाला आहे, तसेच महायुतीतील समन्वयावरही प्रश्नचिन्ह निर्माण झाले आहे. एकीकडे भाजप, शिंदे गट आणि राष्ट्रवादी काँग्रेस यांच्यात युतीच्या जागावाटपाची चर्चा सुरू असताना, शिंदे गटाने स्वतंत्रपणे शिवसेनेच्या महापौराचा दावा केल्याने महायुतीतही अस्वस्थता पसरण्याची शक्यता आहे. ही बॅनरबाजी अशा वेळी झाली आहे, जेव्हा आगामी निवडणुकीसाठी ठाकरे बंधू (उद्धव आणि राज ठाकरे) एकत्र येण्याची शक्यता वर्तवली जात आहे. त्यामुळे मुंबईची लढाई ही केवळ दोन गटांमधील नसून 'निष्ठा' विरुद्ध 'विचार' अशी होणार असल्याचे संकेत मिळत आहेत.