Sharad Ponkshe : Cancer मुक्तांचा आनंद मेळावा; शरद पोंक्षे, अशोक मुळ्येंची उपस्थिती

Sharad Ponkshe : Cancer मुक्तांचा आनंद मेळावा; शरद पोंक्षे, अशोक मुळ्येंची उपस्थिती

ज्येष्ठ रंगकर्मी अशोक मुळ्येंच्या संकल्पनेतून कॅन्सरवर मात करुन आनंदाने आयुष्य जगणाऱ्या लढवय्यांचा आनंद मेळावा नुकताच आयोजित करण्यात आला होता. कॅन्सरवर मात केलेल्या ४० ते ४५ जणांनी आपल्या कुटुंबियांसह या कार्यक्रमाला हजेरी लावली. कॅन्सरवर मात करणारे ज्येष्ठ अभिनेते शरद पोंक्षे कार्यक्रमाचे प्रमुख अतिथी म्हणून उपस्थित होते. कॅन्सरमुक्त पत्रकार नेहा पुरव यांचा वाढदिवसही यावेळी साजरा झाला. दादरच्या सावरकर स्मारकातील मादाम कामा हॉलमध्ये हा कार्यक्रम पार पडला. राजश्री बोरकर, तृप्ती तोडणकर आणि पत्रकार नेहा पुरव यांनी यावेळी आजाराशी दोन हात करण्याचा अनुभव कथन केला आणि कायम सकारात्मक दृष्टिकोन ठेवण्याचा कानमंत्र दिला. कॅन्सरमुक्त गायक प्रदीप पाटोळे यांनी यावेळी सुरेल गीतं सादर केली. त्यांच्याशिवाय केतकी भावे-जोशी आणि जयंत पिंगुळकर या गायक कलाकारांनीही यावेळी हिंदी-मराठी गीतांचं सादरीकरण केलं.