Sharad Pawar : इरा पवारांच्या निमित्ताने 'पवार' कुटुंब एकत्र, McDonald's उद्घाटनाला पवारांची हजेरी!

राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी बारामतीमध्ये त्यांची नात इरा पवार यांनी सुरू केलेल्या मॅकडोनाल्ड्स आऊटलेटला भेट दिली. यावेळी इरा पवार यांना शुभेच्छा देताना, खासदार सुप्रिया सुळे यांनी 'इरा पवार, तुझा खूप अभिमान आहे!' असं म्हणत तिचं कौतुक केलं. या उद्घाटन सोहळ्यासाठी प्रतिभा पवार, सुप्रिया सुळे आणि युगेंद्र पवार यांच्यासह संपूर्ण पवार कुटुंब एकत्र जमले होते, ज्यामुळे राजकीय वर्तुळात या कौटुंबिक सोहळ्याची चर्चा सुरू झाली. इरा पवार या शरद पवार यांचे मोठे बंधू आप्पासाहेब पवार यांच्या नात आहेत. त्या आमदार रोहित पवार यांच्या चुलत भगिनी असून, रणजीत पवार यांच्या कन्या आहेत. सुप्रिया सुळे यांनी सोशल मीडियावर इरा यांना शुभेच्छा देणारी पोस्ट शेअर केल्याने या कार्यक्रमाला विशेष प्रसिद्धी मिळाली.