Shaniwar Wada Row: 'शनिवार वाड्याशेजारील दर्गा हटवा', खासदार Medha Kulkarni आक्रमक, पुण्यात तणाव

पुण्यातील ऐतिहासिक शनिवार वाड्यात (Shaniwar Wada) नमाज पठण झाल्याच्या आरोपांवरून भाजप खासदार मेधा कुलकर्णी (Medha Kulkarni) आणि हिंदुत्ववादी संघटना आक्रमक झाल्या आहेत. 'ज्या ठिकाणी मुघलांचा नाश झाला, तेथेच नमाज पठण होत असेल, तर आम्ही हे खपवून घेणार नाही,' असा इशारा मेधा कुलकर्णी यांनी दिला आहे. त्यांनी या प्रकाराचा निषेध करत आंदोलन केले असून, शनिवार वाड्याच्या बाजूला असलेला दर्गा हटवण्याची मागणीही जोर धरत आहे. पतित पावन संघटनेच्या (Patit Pavan Sanghatana) कार्यकर्त्यांनी आणि इतर हिंदू संघटनांनी घटनास्थळी जोरदार निदर्शने करत भगवा ध्वज फडकवण्याचा प्रयत्न केला, ज्यामुळे परिसरात तणावाचे वातावरण निर्माण झाले. पोलिसांनी मोठा बंदोबस्त ठेवून परिस्थिती नियंत्रणात आणण्याचे प्रयत्न सुरू केले आहेत.