Water Crisis: 'नवीन बांधकाम परवानगी देऊ नये', Panvel चे BJP आमदार प्रशांत ठाकूर यांची मागणी

ऐन दिवाळीत पनवेल (Panvel) शहरात पाणी टंचाई निर्माण झाल्याने नागरिक हैराण झाले आहेत, ज्यात भाजप आमदार प्रशांत ठाकूर (Prashant Thakur), सिडको (CIDCO) आणि पनवेल महानगरपालिका (Panvel Municipal Corporation) यांच्यात संघर्ष पेटला आहे. 'जोपर्यंत लोकांना पुरेसं पाणी उपलब्ध होत नाही, तोपर्यंत बांधकाम थांबवा,' अशी स्पष्ट मागणी आमदार प्रशांत ठाकूर यांनी केली आहे. एकीकडे रहिवासी पाण्यासाठी वणवण भटकत असताना आणि सिडको व महानगरपालिका कार्यालयांसमोर आंदोलने करूनही पाणीप्रश्न सुटत नसताना, दुसरीकडे बांधकाम साइटवर पाण्याची मोठी नासाडी होत असल्याचा आरोप होत आहे. त्यामुळे, पनवेल महापालिका हद्दीत कोणत्याही नवीन बांधकामास परवानगी देऊ नये, अशी जोरदार मागणी आमदार ठाकूर यांनी सिडको आणि पालिकेकडे केली आहे.