Navratri 2021 : वणीच्या सप्तशृंगी देवीची हुबेहूब आणि सुंदर मूर्ती, मूर्तिकार वरूण भोईर याची कमाल!

गणेशोत्सवानंतर पडघम वाजू लागले आहेत ते नवरात्रोत्सवाचे. अवघ्या दोन दिवसांवर हा उत्सव येऊन ठेपल्याने मूर्तिकारांची लगबग सुरु आहे. तसं बघितले तर कोरोनाचे सावट यंदाच्याही नवरात्रोत्सवावर असल्याने याचा फटका मूर्तिकारांनाही मोठ्या प्रमाणावर बसलाय, बंगाली मूर्तिकारांनी तर यंदा महाराष्ट्रात पाठ फिरवली असून दुसरीकडे मराठी मूर्तिकारांकडून देवीच्या मूर्तींना आता शेवटचा हात दिला जातोय.