Satej Patil kolhapur : झक मारायला... मला तोंडघशी पाडलं सतेज पाटलांच्या संतापाचा कडेलोट

Satej Patil kolhapur : झक मारायला... मला तोंडघशी पाडलं सतेज पाटलांच्या संतापाचा कडेलोट

कोल्हापूर : विधानसभेच्या अर्ज माघारीच्या शेवटच्या दिवशी कोल्हापूरच्या राजकारणात मोठा ट्विस्ट झाला आहे. काँग्रेसच्या अधिकृत उमेदवार मधुरिमाराजे छत्रपती यांनी त्यांचा अर्ज मागे घेतला आहे. त्यामुळे काँग्रेसचे जिल्हाध्यक्ष आणि आमदार सतेज पाटील यांच्यासाठी हा मोठा धक्का मानला जातोय. कोल्हापूर उत्तर विधानसभेसाठी काँग्रेसचे बंडखोर राजू लाटकर यांनी त्यांचा अर्ज मागे घेतला नसल्याने मधुरिमाराजे यांनी त्यांचा अर्ज मागे घेतल्याची चर्चा आहे. 

कोल्हापूर उत्तर विधानसभेसाठी सुरूवातीला काँग्रेसचे माजी नगरसेवक राजू लाटकर यांचे नाव जाहीर करण्यात आलं होतं. त्यानंतर अवघ्या 24 तासांमध्ये काँग्रेसने त्यांचा उमेदवार बदलला आणि मधुरिमाराजे छत्रपती यांचे नाव जाहीर करण्यात आलं. त्यानंतर राजू लाटकर यांनी अपक्ष अर्ज भरला होता.