Satara Doctor Suicide: आरोपींना फाशीची शिक्षा द्या, फलटणच्या मृत डॉक्टर महिलेच्या कुटुंबाची मागणी

सातारा जिल्ह्यातील फलटण येथे कार्यरत असलेल्या महिला डॉक्टर संपदा मुंडे यांच्या आत्महत्येने खळबळ उडाली आहे. या प्रकरणी पोलीस उपनिरीक्षक (PSI) गोपाल बदने आणि प्रशांत बनकर यांच्यावर गंभीर आरोप करण्यात आले आहेत. 'दोन्ही आरोपींना फाशीची शिक्षा झाली पाहिजे आणि माझ्या वैद्यकीय अधिकारी लेकराला न्याय मिळाला पाहिजे,' अशी संतप्त भावना मृत डॉक्टरच्या कुटुंबीयांनी व्यक्त केली आहे. पीडितेने आत्महत्येपूर्वी हातावर लिहिलेल्या सुसाईड नोटमध्ये पीएसआय गोपाल बदनेवर बलात्कार आणि प्रशांत बनकरवर मानसिक छळ केल्याचा आरोप केला आहे. याप्रकरणी पोलिसांनी प्रशांत बनकरला अटक केली असून, पीएसआय बदनेला निलंबित करण्यात आले आहे. या घटनेमुळे वैद्यकीय क्षेत्रात संतापाची लाट उसळली आहे.