Maharashtra Politics: Drugs प्रकरणातील आरोपी Santosh Parameshwar चा BJP मध्ये प्रवेश

तुळजापूर ड्रग्ज प्रकरणातील (Tuljapur Drugs Case) जामिनावर सुटलेला आरोपी आणि माजी नगराध्यक्ष संतोष परमेश्वर (Santosh Parameshwar) याने भाजपमध्ये (BJP) प्रवेश केला आहे. तुळजापूरचे भाजप आमदार राणा जगजितसिंह पाटील (Rana Jagjitsinh Patil) यांच्या नेतृत्वात हा पक्षप्रवेश झाल्याने आगामी नगरपरिषद निवडणुकीच्या पार्श्वभूमीवर राजकीय चर्चांना उधाण आले आहे. राष्ट्रवादी काँग्रेस पक्षाच्या नेत्या सुप्रिया सुळे यांनी या पक्षप्रवेशावर तीव्र आक्षेप घेत मुख्यमंत्र्यांना पत्र लिहून कारवाईची मागणी केली आहे, ज्यात त्यांनी 'ड्रग्ज तस्करीला राजाश्रय मिळतोय,' अशी चिंता व्यक्त केली आहे. परमेश्वर पूर्वी राष्ट्रवादी काँग्रेस पक्षाकडून नगराध्यक्ष होता आणि त्याने विधानसभा निवडणुकीत काँग्रेस उमेदवाराला पाठिंबा दिला होता. या पक्षप्रवेशामुळे तुळजापूर नगरपरिषद निवडणुकीत ड्रग्जचा मुद्दा गाजण्याची शक्यता वर्तवण्यात येत आहे.