Sanjay Raut PC On Mahayuti : लोकसभेत अजितदादांना पिळून काढलंय, अख्खा रस निघालाय त्यांचा; राऊतांची टीका

 मी सात ते आठ वेळा बारामतीतून लढलो आता रस नाही, उपमुख्यमंत्री अजित पवारांच्या (Ajit Pawar)  वक्तव्यामुळे चर्चांना उधाण आले आहे. अजित पवारांच्या या वक्तव्यानंतर संजय राऊतांनी (Sanjay Raut)  देखील अजित पवारांवर निशाणा साधला आहे.  अजित पवार घरातल्या घरातच कुस्ती करणार आहे.  लोकसभेला पिळून काढल्यानंतर आता अजित पवारांना बारामतीत (Baramati Vidhan Sabha)  रस राहिला नाही, असा हल्लाबोल राऊतांनी केला आहे.ते मुंबईत माध्यमांशी बोलत होते. 

संजय राऊत म्हणाले, अजित पवारांना बारामतीमध्ये  रस राहिला नाही कारण बारामतीच्या लोकांनी लोकसभेत त्यांना पिळून काढला आहे.  अख्खा रस त्यांचा निघाला आहे. आता   ते बहुतेक पुतण्या विरुद्ध लढण्याची शक्यता आहे.  कर्जत जामखेड या मतदारसंघातून ते लढण्याची शक्यता आहे.  पण ते  घरातच लढणार आहे.   कधी बहिणी विरुद्ध कधी पुतण्याविरुद्ध ते घरातच कुस्ती करणार आहे.