Sanjay Raut : भाजपविरोधातील आघाडी अधिक मजबूत झाली पाहिजे ही पवार, ठाकरेंची भूमिका : संजय राऊत

Sanjay Raut Press Conferance : राज्यातील महाविकास आघाडी म्हणजे, 'मिनी यूपीए' असल्याचं संजय राऊत (Sanjay Raut) यांनी म्हटलं आहे. संजय राऊतांचं हे वक्तव्य मोठं राजकीय वक्तव्य मानलं जात आहे. अशातच गोवा, उत्तर प्रदेश येथे होणाऱ्या आगामी निवडणुकांमध्ये काँग्रेसला साथ द्यायची की, नाही? याबाबत मुख्यमंत्री उद्धव ठाकरे निर्णय घेतील, असं शिवसेना खासदार संजय राऊत म्हणाले आहेत. 

शिवसेना खासदार संजय राऊत म्हणाले की, "युपीएमध्ये शिवसेना जातेय किंवा आणखी काहीतरी आघाडी होतेय, या चर्चा माध्यमांमध्ये आहेत. आम्ही ते वृत्तपत्रांमधून वाचतो किंवा मीडियातून ऐकतो. राहुल गांधींना आज मी नक्कीच भेटणार आहे. पण त्याला तुम्ही कर्टसी व्हिजिट का म्हणत नाही." पुढे बोलताना ते म्हणाले की, "काँग्रेस पक्ष महाराष्ट्रात शिवसेना आणि राष्ट्रवादील काँग्रेससोबत सत्तेत सहभागी आहे. एकमेकांच्या मदतीनं समान नागरि कायद्यावर आम्ही सरकार चालवतोय. सरकार उत्तम चाललं आहे. तिनही पक्षांमध्ये संवाद असावा असं आम्हाला वाटतं. त्यानुसार, मी दिल्लीत असलो किंवा ते दिल्लीत असले की, आम्ही एकमेकांना भेटून चर्चा करतो. महाराष्ट्रातील राजकारणावर, सरकारच्या कामकाजावर आणि एकंदरीत देशाच्या भविष्यातील घडामोडींवर."