Sanjay Raut : भाऊबंदकीचे लेखक कोण हे शिंदेंना विचारा, राऊतांचा Eknath Shinde यांना टोला

ठाण्यातील अंबरनाथ येथे नाट्यगृहाच्या उद्घाटनावेळी मुख्यमंत्री एकनाथ शिंदे आणि खासदार संजय राऊत यांच्यात जोरदार राजकीय टोलेबाजी झाली. ‘आज नरकचतुर्दशी आहे, नरकासुराचा जन्म कुठे झाला? गुवाहाटीला झाला,’ असा थेट हल्ला संजय राऊत यांनी एकनाथ शिंदे यांच्यावर केला. या कार्यक्रमात शिंदे यांनी उद्धव ठाकरे आणि राज ठाकरे यांच्या संभाव्य युतीवर 'भाऊबांकी' आणि 'मनोमिलन' नाटकांचा संदर्भ देत टीका केली होती. शिवसेनेचे यश पाहून काही लोकांच्या पोटात दुखत आहे, असा टोलाही त्यांनी अशोक सराफ यांच्या 'सारखं छातीत दुखतंय' या नाटकाचा उल्लेख करत लगावला. यावर प्रत्युत्तर देताना राऊत यांनी शिंदे यांच्या वाचनावर प्रश्नचिन्ह उपस्थित करत, त्यांना 'भाऊबांकी' नाटकाच्या लेखकाचे नाव माहित आहे का, असा सवाल केला. शिंदे गटावर अंधश्रद्धेचा आरोप करत, ५० रेड्यांचे बळी देऊन हे सरकार सत्तेत आल्याची टीकाही राऊत यांनी केली.