Maratha Reservation : मराठा आरक्षणासाठी संभाजीराजेंचा पुन्हा राज्यव्यापी दौरा, 25 ऑक्टोबरपासून रायगडातून सुरुवात

मराठा आरक्षणासंदर्भात राज्य सरकारनं दिलेलं आश्वासन पाळलं नाही, असा आरोप करत खासदार संभाजीराजेंनी पुन्हा एकदा राज्याचा दौरा करण्याची घोषणा केलीय. 25 ऑक्टोबरला ते रायगडातून दौऱ्याला सुरुवात करणार आहेत. सारथी सोडलं तर इतर मुद्यावर सरकारनं दिलेलं आश्वासन पाळलेलं नाही, असा आरोप खासदार संभाजीराजे यांनी केला. आता चर्चेला जाण्याचाही प्रश्न नाही, असंही ते म्हणाले. सातारा गादी आणि कोल्हापूरच्या गादीमध्ये मतभेद नसल्याचं सांगत त्यांनी खासदार उदयनराजेंच्या वक्तव्यावर बोलायचं टाळलं.