Sambhaji Bhide Controversy | संभाजी भिडेंच्या वादग्रस्त वक्तव्याने नवा वाद!

संभाजी भिडे यांनी पुन्हा एकदा वादग्रस्त वक्तव्य केले आहे. सर्वधर्म समभावासंदर्भात त्यांनी केलेल्या वक्तव्यामुळे नवा वाद निर्माण होण्याची शक्यता आहे. एका व्याख्यानामध्ये बोलताना त्यांनी 'सर्वधर्म समभाव हा नीचपणा आणि नपुंसकपणा आहे' असे म्हटले. तसेच, 'सर्वधर्म समभाव म्हणजे ना धड स्त्री, ना धड पुरुष असा नपुंसकपणा आहे' असेही त्यांनी नमूद केले. १५ ऑगस्टला तिरंगा फडकवण्यासोबतच लाल किल्ल्यावर भगवा फडकवण्यासाठी काम करण्याचे आवाहनही त्यांनी केले. खग्रास ग्रहण काळात मंत्राचा जप केल्यास मंत्राची शक्ती जन्मोजन्मी मिळते, असेही त्यांनी सांगितले. त्यांच्या या वक्तव्यांमुळे राजकीय आणि सामाजिक वर्तुळात चर्चांना उधाण आले आहे.