Morning Prime Time : Superfast News : 9 AM : सुपरफास्ट बातम्या : 22 OCT 2025 : ABP Majha

पुण्यातील शनिवारवाडा (Shaniwar Wada) येथील नमाज पठणाच्या मुद्द्यावरून भाजप (BJP) खासदार मेधा कुलकर्णी (Medha Kulkarni) आणि एमआयएम (AIMIM) खासदार इम्तियाज जलील (Imtiaz Jaleel) यांच्यात वाद पेटला आहे, तर दुसरीकडे 'सामना'च्या अग्रलेखातून भाजप मंत्री गिरीराज सिंह (Giriraj Singh) यांच्यावर जोरदार टीका करण्यात आली आहे. 'मुसलमानांना नमक हराम म्हणणं हा भाजपवाल्यांचा छंद आहे, पण तालिबान्यांसाठी दिल्लीत पायघड्या घातल्या जातात', असे सामनामध्ये म्हटले आहे. यासोबतच, स्थानिक स्वराज्य संस्थांच्या निवडणुका डोळ्यासमोर ठेवून महायुतीच्या ५४ आमदारांना प्रत्येकी पाच कोटींचा निधी मंजूर करण्यात आला आहे. तर ठाणे जिल्ह्यात दिवाळीच्या दिवशी अवकाळी पावसाने हजेरी लावली. आंतरराष्ट्रीय घडामोडींमध्ये, साने ताकाहाशी (Sanae Takaichi) जपानच्या पहिल्या महिला पंतप्रधान बनल्या आहेत आणि फ्रान्सचे माजी राष्ट्राध्यक्ष निकोलस सार्कोझी (Nicolas Sarkozy) यांना तुरुंगवास झाला आहे.