Maha Politics: 'राज ठाकरेंना सोबत घेतल्यास उत्तर भारतीय, मुस्लिम मतं फुटतील', Sharad Pawar यांच्या राष्ट्रवादीत उभी फूट

राष्ट्रवादी काँग्रेसमध्ये (NCP) सध्या मनसे (MNS) अध्यक्ष राज ठाकरे (Raj Thackeray) यांना सोबत घेण्यावरून जोरदार चर्चा सुरू आहे, ज्यामुळे पक्षात दोन गट पडल्याचे चित्र आहे. 'राज ठाकरेंना जर सोबत घेतलं तर उत्तर भारतीय आणि मुस्लिम मतांवरती सुद्धा परिणाम होऊ शकतो', अशी स्पष्ट भीती पक्षातील वरिष्ठ पदाधिकाऱ्यांनी शरद पवार (Sharad Pawar) यांच्याकडे व्यक्त केली आहे. राज ठाकरे यांच्या सतत बदलणाऱ्या राजकीय भूमिकांमुळे भविष्यात पक्षाला मोठा फटका बसू शकतो, असे कार्यकर्त्यांचे मत आहे. त्यामुळे मनसेसोबत आघाडी करण्यास पक्षातील एका मोठ्या गटाचा तीव्र विरोध आहे. या पदाधिकाऱ्यांनी आणि कार्यकर्त्यांनी आपली भावना पक्षश्रेष्ठींपर्यंत पोहोचवली असून, या संभाव्य आघाडीमुळे पक्षाच्या मूळ व्होट बँकेवर होणाऱ्या परिणामांबद्दल चिंता व्यक्त केली आहे.