Red Fort Blast: 'डॉक्टर उमर मोहम्मदच सुसाईड बॉम्बर', पोलीस सूत्रांची माहिती

दिल्लीच्या लाल किल्ला परिसरात झालेल्या कार बॉम्बस्फोटात जैश-ए-मोहम्मदचा (Jaish-e-Mohammed) दहशतवादी डॉ. उमर मोहम्मद (Dr. Umar Mohammad) ठार झाल्याचा संशय पोलीस सूत्रांनी व्यक्त केला आहे. फरिदाबाद येथील अल-फलाह युनिव्हर्सिटीशी (Al-Falah University) संबंधित एका टेरर मॉड्यूलवर तपास यंत्रणांनी केलेल्या कारवाईनंतर उमर पळून जात होता. पोलीस सूत्रांकडून मिळालेल्या माहितीनुसार, 'कार चालविणारी व्यक्ती म्हणजेच डॉक्टर उमर मोहम्मद जो पुलवामा मधला आहे, जम्मू काश्मीरचा आहे आणि या चार डॉक्टरांपैकी हा एक डॉक्टर फरार होता, जो या सहारनपूर फरिदाबाद टेरर मॉड्यूल मधला एक वाँटेड अतिरेकी होता आणि तो या सगळ्यामध्ये ठार झाल्याची शक्यता आहे'. स्फोटात वापरलेली Hyundai i20 कार उमर चालवत होता आणि त्याने पकडले जाण्याच्या भीतीने आत्मघाती हल्ला घडवला असावा, असा प्राथमिक अंदाज आहे.