Pune Alert : दिल्लीतील स्फोटानंतर Pune हाय अलर्टवर, Dagdusheth मंदिरात BDDS कडून तपासणी

दिल्लीतील लाल किल्ल्याजवळ झालेल्या कार स्फोटानंतर पुणे शहराला हाय अलर्ट जारी करण्यात आला आहे, ज्यामुळे शहरातील सुरक्षा व्यवस्था कडक करण्यात आली आहे. या पार्श्वभूमीवर, पुण्यातील प्रसिद्ध श्रीमंत दगडूशेठ हलवाई गणपती मंदिराच्या परिसरात मोठा पोलीस बंदोबस्त तैनात करण्यात आला आहे. 'कोणत्याही पद्धतीचा घातपात पुणे शहरात होऊ नये याची संपूर्ण खबरदारी बीडीडीएस पथक, पुणे पोलीस आणि बाकी सगळ्या सुरक्षा यंत्रणेकडून सध्या घेतली जात आहे.' मंगळवार असल्याने मंदिरात होणारी भाविकांची गर्दी लक्षात घेता, डॉग स्क्वॉड आणि बॉम्ब शोधक व नाशक पथक (BDDS) यांच्याकडून संपूर्ण परिसराची कसून तपासणी केली जात आहे. मंदिरात येणाऱ्या प्रत्येक भाविकाची आणि प्रसादासारख्या वस्तूंचीही पाहणी केली जात आहे.