Ratnagiri : रत्नागिरीत मासेमारीची अनोखी स्पर्धा, मिऱ्या किनाऱ्यावर 150 हून जास्त पर्यटक सहभागी

रत्नागिरी (Ratnagiri) जिल्ह्यातील मिऱ्या समुद्रकिनारी (Mirya Beach) 'मिऱ्या पर्यटन विकास सहकारी संस्थे'तर्फे एका आगळ्यावेगळ्या फिशिंग स्पर्धेचे (Fishing Competition) आयोजन करण्यात आले आहे. 'पर्यटनाच्या दृष्टिकोनातून पर्यटक आकर्षित व्हावेत, या दृष्टिकोनातून आम्ही ही स्पर्धा भरवलेली आहे,' असे आयोजकांनी सांगितले. देशभरातील १५० हून अधिक स्पर्धक, ज्यात कर्नाटक आणि केरळमधील हौशी मच्छीमारांचाही समावेश आहे, या स्पर्धेत सहभागी झाले आहेत. 'मासा पकडा, त्याचे वजन करा आणि सोडून द्या' या तत्त्वावर आधारित ही स्पर्धा पर्यटनाला चालना देण्याच्या उद्देशाने आयोजित केली आहे. या स्पर्धेतील पहिल्या बक्षिसाची रक्कम मोठी असून, यात ४४ हजार रुपये रोख आणि सुमारे ४० हजारांचे फिशिंग टॅकल असे एकूण ८४ ते ९० हजारांचे पारितोषिक विजेत्याला मिळणार आहे. खडकावर आयोजित होणारी देशातील ही पहिलीच स्पर्धा असल्याचा दावा आयोजकांनी केला आहे. साडेपाच वर्षांच्या साजू पिलणकर या चिमुरडीचा सहभाग हे या स्पर्धेचे आणखी एक वैशिष्ट्य ठरले आहे.