Local Body Polls: स्थानिक स्वराज्य संस्थांसाठी भाजपची मोर्चेबांधणी

भारतीय जनता पक्षाने (BJP) आगामी स्थानिक स्वराज्य संस्थांच्या (Local Body Elections) निवडणुकांसाठी मोर्चेबांधणी सुरू केली आहे. यासंदर्भात येत्या ११ नोव्हेंबर रोजी मुंबईत एका महत्त्वपूर्ण बैठकीचे आयोजन करण्यात आले असून, या बैठकीला केंद्रीय सहसंघटन मंत्री शिवप्रकाश (Shivprakash), मुख्यमंत्री देवेंद्र फडणवीस (Devendra Fadnavis) आणि भाजपचे नवनियुक्त प्रदेशाध्यक्ष रवींद्र चव्हाण (Ravindra Chavan) यांच्यासह महत्त्वाचे नेते उपस्थित राहणार आहेत. या बैठकीत आगामी निवडणुकीसाठी भाजपची नेमकी रणनीती (Strategy) काय असेल, हे ठरवण्यात येणार असून संघटन आणि सरकारमधील महत्त्वाच्या नेत्यांवर निवडणुकीची जबाबदारी सोपवली जाईल. निवडणुकीचे नियोजन, जबाबदाऱ्यांचे वाटप आणि संपूर्ण निवडणूक प्रक्रियेसंदर्भात या बैठकीत अंतिम निर्णय घेतला जाणार आहे. त्यामुळे या बैठकीकडे संपूर्ण राज्याच्या राजकीय वर्तुळाचे लक्ष लागले आहे.