Ratnagiri Accident : रत्नागिरीतील मासेमारी नौकेला विजयदुर्गमध्ये जलसमाधी; नौकेवरील सर्व खलाशी सुखरुप

रत्नागिरीतील एका मासेमारी नौकेला विजयदुर्गमध्ये जलसमाधी मिळाली आहे. धुक्यामुळे अंदाज न आल्यानं ही नौका एका खडकावर आदळून फुटली. रत्नागिरीच्या मिरकरवाडा इथल्या शौकत दर्वे यांच्या मालकीची ही नौका असून मासेमारी करुन परत येत असताना ही दुर्घटना घडली आहे. प्रसंगावधान राखत खलाशांनी लहान नौकेचा आधार घेत सहकाऱ्यांना फोन करुन मदतीसाठी बोलावून घेतलं. त्यामुळे नौकेवरील सर्व 24 खलाशी सुखरुप बचावलेत. मात्र नौका मालकाचं लाखो रुपयांचं नुकसान झालं आहे.