Rana vs Rana: Ravi Rana स्वबळावर लढणार, Navneet Rana विरोधात प्रचार करणार?

अमरावतीच्या राजकारणात मोठी उलथापालथ होण्याची शक्यता आहे. आमदार रवी राणा यांच्या युवा स्वाभिमान पार्टीने स्थानिक स्वराज्य संस्थांच्या निवडणुका स्वबळावर लढण्याचा निर्णय घेतला आहे, ज्यामुळे भाजप नेत्या आणि त्यांच्या पत्नी नवनीत राणा यांच्यासोबत थेट राजकीय संघर्ष निर्माण होऊ शकतो. काही दिवसांपूर्वीच भाजपसोबत युती करण्याचा ठराव संमत करूनही, कार्यकर्त्यांच्या आग्रहास्तव रवी राणा यांनी हा स्वतंत्र लढण्याचा निर्णय घेतला आहे. 'भाजपच्या नेत्या नवनीत राणा आता आमदार रवी राणा यांच्याविरोधात प्रचार करणार हे जवळपास निश्चित झालेलं आहे,' अशी माहिती समोर येत आहे. त्यामुळे आता पती-पत्नी अमरावतीच्या राजकीय आखाड्यात एकमेकांविरोधात प्रचार करताना दिसण्याची दाट शक्यता आहे.