Parbhani : परभणी जिल्ह्याला वादळी वाऱ्यांसह पावसाचा फटका, पावसामुळे झाडं, विजेचे खांब उन्मळून पडले

काल सायंकाळी परभणी जिल्ह्यात झालेल्या वादळी वारे विजांच्या कडकडाटासह झालेल्या पावसामुळे मोठे नुकसान झाले, असून परभणी तालुक्याला याचा जास्त फटका बसला आहे. परभणी तालुक्यातील शिंगणापूर, तरोडा, अमडापूर, लोहगाव या परिसरात अनेक झाडे उन्मळून पडली आहेत, तर केळी आंबा आदी फळबागांचे मोठे नुकसान झाले आहे. वादळी वाऱ्याने घरावरील पत्रे उडाली तर विजेचे खांब ही पडल्याने अनेक गावांमध्ये रात्रीपासून वीजही गायब झाली आहे.