Pune Accident: 'नियंत्रण सुटल्याने विचित्र अपघात', Navale पुलावर ट्रकने 3 वाहनांना धडक

पुण्यातील कात्रज चौकाकडून नवले पुलाच्या दिशेने निघालेल्या ट्रकचा विचित्र अपघात झाला असून, यात चालक तौफीक इरसास अहमद याला पोलिसांनी ताब्यात घेतले आहे. मंगळवारी पहाटे झालेल्या या घटनेत, 'ट्रक चालकाचे वाहनावरील नियंत्रण सुटल्याने त्याने एका रेडिमिक्स डंपरसह दोन कारला जोरदार धडक दिली'. या अपघातामध्ये एकूण तीन वाहनांचे मोठे नुकसान झाले आहे, तर दोन वाहन चालक किरकोळ जखमी झाले आहेत. फरशा घेऊन निघालेला हा ट्रक नवले पुलाखाली आला असता हा अपघात घडला. पोलिसांनी मूळच्या उत्तर प्रदेशच्या असलेल्या ट्रक चालकाला ताब्यात घेतले असून पुढील तपास सुरू आहे.