Ajit Pawar : या प्रकरणाचा कागदच होऊ शकत नाही - अजित पवार

पुण्यातील जमीन व्यवहार प्रकरणी उपमुख्यमंत्री अजित पवार यांचे पुत्र पार्थ पवार यांच्यावर झालेल्या आरोपांवर अजित पवार यांनी पत्रकार परिषदेत स्पष्टीकरण दिले. 'माझं डायरेक्ट ब्लड रिलेशनच तिथे होतं, म्हणून मी सांगितलं की ही चौकशी व्यवस्थितपणे झाली पाहिजे,' असे अजित पवार म्हणाले. या प्रकरणात एक रुपयाचाही व्यवहार झाला नसून, सर्व आरोप फेटाळून लावले आहेत. मुख्यमंत्री देवेंद्र फडणवीस यांनी या प्रकरणी चौकशीचे आदेश दिले असून, महसूल विभागाचे अतिरिक्त मुख्य सचिव विकास खारगे यांच्या अध्यक्षतेखाली एक समिती नेमण्यात आली आहे. ही समिती एका महिन्यात आपला अहवाल सादर करेल. चौकशीनंतर सत्य बाहेर येईल, असा विश्वास अजित पवार यांनी व्यक्त केला आहे.