Pune Land Deal: 230 कोटींच्या व्यवहारातून Gokhale Group नंतर आता Jain Trust चीही माघार

पुण्यातील जैन बोर्डिंग हाऊस (Jain Boarding House) व्यवहार प्रकरणी मोठी घडामोड समोर आली आहे. Gokhale Group आणि Jain Boarding Trust यांच्यातील २३० कोटी रुपयांच्या या व्यवहारातून आता ट्रस्टही माघार घेण्याच्या तयारीत आहे. 'गोखले ग्रुपनं माघार घेतल्यानंतर आता ट्रस्टही अधिकृतपणे माघार घेणार आहे,' अशी माहिती समोर येत आहे. बिल्डर विशाल गोखले यांच्या Gokhale Group ने यापूर्वीच या व्यवहारातून माघार घेतली असून, पैसे परत करण्याची मागणी केली आहे. यानंतर आता जैन बोर्डिंग ट्रस्टच्या वतीनेही धर्मादाय आयुक्तांकडे (Charity Commissioner) व्यवहार रद्द करण्यासाठी अर्ज दाखल केला जाणार असल्याचे समजते. त्यामुळे हा संपूर्ण व्यवहारच रद्द होण्याची शक्यता निर्माण झाली असून, २३० कोटी रुपयांच्या रकमेचे काय होणार, याकडे सर्वांचे लक्ष लागले आहे.