Pooja Khedkar IAS : पूजा खेडकर यांच्या आईकडून बाऊन्सर घेऊन शेतकऱ्यांना दमदाटी? जुना व्हिडीओ समोर

Pooja Khedkar IAS : पूजा खेडकर यांच्या आईकडून बाऊन्सर घेऊन शेतकऱ्यांना दमदाटी? जुना व्हिडीओ समोर

IAS Probationer Pooja Khedkar : पुणे : अधिकारी होण्यापूर्वीच थाटात रुबाब करणाऱ्या आयएएस प्रोबेशनर डॉ. पूजा खेडकर (Dr. Pooja Khedkar) यांचे एक, दोन नाहीतर अनेक कारनामे बाहेर आले आहेत. केवळ पूजा खेडकरच नव्हे तर त्यांच्या कुटुंबीयांचे देखील कारनामे, अरेरावी यासंदर्भातील प्रकार समोर आलं आहे. अशातच आता पूजा खेडकर यांचं बारामती कनेक्शन समोर आलं आहे. पूजा खेडकर यांच्या कुटुंबियांनी बारामती तालुक्यात जमीन खरेदी केली असल्याचं माहिती अधिकार कार्यकर्ते विजय कुंभार यांनी समोर आणली आहे. तसेच, खेडकर कुटुंबीयांनी मुळशीमध्येही अरेरावी आणि दमदाटी करुन जमीन खरेदी केल्याचं समोर आलं आहे. 

वादग्रस्त सनदी अधिकारी पूजा खेडकर यांचे बारामती कनेक्शन
वादग्रस्त सनदी अधिकारी पूजा खेडकर यांचं बारामती कनेक्शन समोर आलं आहे. पूजा खेडकर यांच्या कुटुंबीयांनी बारामती तालुक्यात जमीन खरेदी केली असल्याचं माहिती अधिकार कार्यकर्ते विजय कुंभार यांनी समोर आणली आहे. बारामती तालुक्यातील वाघळवाडी येथे दिलीप खेडकर यांची 14 गुंठे जमीन असल्याचं ट्वीट विजय कुंभार यांनी केलं आहे. वाघळवाडी ग्रामपंचायत हद्दीत गट क्रमांक 8 मध्ये दिलीप खेडकर यांच्या नावावर 14 गुंठे जमीन आहे. ही जमीन त्यांनी 2010 ते 2011 च्या दरम्यान खरेदी केली असल्याचं बोललं जातं आहे. दिलीप खेडकर यांची बारामतीतील वाघळवाडी येथे जमीन असल्यानं खेडकर यांचं बारामती कनेक्शन समोर आलं आहे.