Delhi Blast : Bhutan मधून PM Narendra Modi यांचा इशारा, 'षडयंत्र रचणाऱ्यांना सोडणार नाही'

दिल्लीतील लाल किल्ल्याजवळ झालेल्या भीषण स्फोटानंतर पंतप्रधान नरेंद्र मोदी (PM Narendra Modi) यांनी भूतानच्या (Bhutan) भूमीवरून तीव्र प्रतिक्रिया दिली आहे. आमच्या तपास यंत्रणा या षडयंत्राच्या मुळाशी जातील, असे पंतप्रधान म्हणाले. 'या षडयंत्रामागे असलेल्या सूत्रधारांना सोडले जाणार नाही,' असा थेट इशारा पंतप्रधान मोदींनी दिला आहे. पंतप्रधान मोदी सध्या भूतानच्या दौऱ्यावर असून, ते चौथे राजे जिग्मे सिंग्ये वांगचुक (Jigme Singye Wangchuck) यांच्या ७० व्या वाढदिवसाच्या सोहळ्यासाठी आणि ग्लोबल पीस प्रेयर फेस्टिव्हलमध्ये (Global Peace Prayer Festival) सहभागी होण्यासाठी गेले आहेत. दिल्लीतील स्फोटाची घटना अत्यंत व्यथित करणारी असून, संपूर्ण देश पीडित कुटुंबांसोबत उभा आहे, असेही ते म्हणाले.