PM Modi Statue Of Unity: सरदार पटेलांच्या १५०व्या जयंतीनिमित्त पंतप्रधान नरेंद्र मोदींकडून स्टॅच्यू ऑफ युनिटीला पुष्पहार

पंतप्रधान नरेंद्र मोदी (Narendra Modi) यांनी सरदार वल्लभभाई पटेल (Sardar Vallabhbhai Patel) यांच्या १५०व्या जयंतीनिमित्त गुजरातच्या केवडिया (Kevadia) येथील स्टॅच्यू ऑफ युनिटीवर (Statue of Unity) आदरांजली वाहिली. 'भारताच्या एकात्मतेमागे सरदार पटेल ही एक मोठी शक्ती होते, ज्यांनी आपल्या राष्ट्राचे नशीब घडवले', असे पंतप्रधान मोदी म्हणाले. राष्ट्रीय एकता दिनानिमित्त (Rashtriya Ekta Diwas) आयोजित परेडमध्ये सहभागी होऊन त्यांनी देशाला संबोधित केले. या कार्यक्रमात विविध राज्यांच्या आणि निमलष्करी दलांच्या तुकड्यांनी भाग घेतला. पंतप्रधानांच्या हस्ते सरदार पटेलांच्या नावाने एक विशेष स्मारक नाणे आणि टपाल तिकीटही जारी करण्यात आले. 'एक भारत, आत्मनिर्भर भारत' ही या वर्षाची संकल्पना असून, देशभरात 'रन फॉर युनिटी'चे आयोजन करण्यात आले आहे.