Mumbai Hostage Crisis: ऑडिशनच्या नावाखाली 17 मुलांना ओलीस, पवईत नाट्यमय थरार

मुंबईतील पवई (Powai) भागातील ओलिस नाट्य (Hostage Crisis) आणि आरोपी रोहित आर्यचा (Rohit Arya) एन्काऊंटर (Encounter) ही बातमी सध्या चर्चेत आहे. 'मी या संपूर्ण जागेला आग लावणार आहे', अशी धमकी आरोपी रोहित आर्यने (Rohit Arya) व्हिडीओ शेअर करत दिली होती. वेब सिरीजच्या ऑडिशनसाठी (Web Series Audition) त्याने १७ मुलांना पवईतील महावीर क्लासिक इमारतीमधील (Mahavir Classic) आर्य स्टुडिओमध्ये (Arya Studio) बोलावले होते. घटनेची माहिती मिळताच मुंबई पोलिसांनी (Mumbai Police) घटनास्थळी धाव घेतली. पोलिसांनी बाथरूमच्या खिडकीतून स्टुडिओत प्रवेश केला असता, रोहित आर्यने (Rohit Arya) पोलिसांवर एअर गनने (Air Gun) हल्ला करण्याचा प्रयत्न केला. प्रत्युत्तरादाखल सहायक पोलीस निरीक्षक अमोल वाघमारे (API Amol Waghmare) यांनी केलेल्या गोळीबारात रोहित आर्यचा (Rohit Arya) मृत्यू झाला.