Gopal Badne Arrested : डॉक्टर आत्महत्या प्रकरण: मुख्य आरोपी PSI गोपाळ बदने अखेर शरण

फलटण (Phaltan) येथील महिला डॉक्टर आत्महत्या प्रकरणामुळे संपूर्ण महाराष्ट्र हादरला आहे. या प्रकरणातील मुख्य आरोपी, निलंबित पोलीस उपनिरीक्षक (PSI) गोपाळ बदने (Gopal Badne), अखेर पोलिसांना शरण आला आहे. मृत डॉक्टर महिलेने तिच्या हातावर लिहिलेल्या सुसाईड नोटमध्ये 'पीएसआय गोपाल बदने यानं चारवेळा बलात्कार केल्याचा' उल्लेख होता, ज्यामुळे या प्रकरणाला गंभीर वळण मिळाले आहे. सुमारे ४८ तास फरार राहिल्यानंतर बदने स्वतःहून फलटण ग्रामीण पोलीस ठाण्यात हजर झाला, त्यानंतर पोलिसांनी त्याला अटक केली. रात्री उशिरा त्याला वैद्यकीय तपासणीसाठी फलटण उपजिल्हा रुग्णालयात नेण्यात आले. या प्रकरणात मानसिक छळाचा आरोप असलेला दुसरा आरोपी प्रशांत बनकर याला पोलिसांनी आधीच अटक केली आहे. या घटनेमुळे पोलीस प्रशासन आणि महिलांच्या सुरक्षेवर गंभीर प्रश्नचिन्ह निर्माण झाले आहे.