Rickshaw Goondagiri: Nashik मध्ये प्रवाशाला लाठीकाठींने मारहाण, Video व्हायरल झाल्याने खळबळ!

नाशिक (Nashik) जिल्हा शासकीय रुग्णालयासमोर (District Government Hospital) रिक्षा चालकांनी एका प्रवाशाला बेदम मारहाण केल्याची धक्कादायक घटना घडली आहे. पोलिसांनी या घटनेची दखल घेऊन रिक्षा चालकांवर कठोर कारवाई करावी, अशी मागणी आता जोर धरू लागली आहे. रात्री दहाच्या सुमारास एक प्रवासी घरी जाण्यासाठी बस स्टँडवर थांबला असता, काही रिक्षा चालकांनी त्याला लाठीकाठींनी मारहाण केली. या संपूर्ण घटनेचा व्हिडिओ सोशल मीडियावर व्हायरल (Video Viral) झाला असून, यामुळे प्रवाशांच्या सुरक्षेचा प्रश्न पुन्हा एकदा ऐरणीवर आला आहे. मारहाणीचे नेमके कारण अद्याप स्पष्ट झालेले नाही, मात्र या घटनेमुळे नाशिकमधील रिक्षाचालकांच्या वाढत्या दहशतीचा मुद्दा चर्चेत आला आहे.