Land Scam Allegation: ‘माझा त्या गोष्टीशी संबंध नाही’, पार्थ पवार जमीन प्रकरणावर अजित पवारांचा U-Turn?

उपमुख्यमंत्री अजित पवार (Ajit Pawar) यांचे पुत्र पार्थ पवार (Parth Pawar) यांच्या कंपनीच्या जमीन व्यवहारामुळे राजकीय वर्तुळात खळबळ उडाली आहे. पुणे येथील या वादग्रस्त जमीन व्यवहारावरून (Pune Land Deal) आरोप-प्रत्यारोप सुरू झाले आहेत. यावर प्रतिक्रिया देताना अजित पवार म्हणाले, 'माझा त्या गोष्टीशी डायरेक्ट अजित पवार म्हणून दूरान्वयी देखील संबंध नाही'. काही महिन्यांपूर्वी अशा व्यवहाराची माहिती कानावर आली होती आणि तेव्हाच आपण चुकीचे काहीही चालणार नाही, अशा स्पष्ट सूचना दिल्या होत्या, असेही त्यांनी म्हटले होते. मात्र, नंतर या व्यवहाराबद्दल आपल्याला काहीही माहिती नसल्याचे सांगत त्यांनी या प्रकरणातून स्वतःला दूर केले. आपल्या ३५ वर्षांच्या राजकीय कारकिर्दीत आपण नियमाबाह्य कोणतेही काम केले नाही, असेही अजित पवार यांनी ठामपणे सांगितले. या प्रकरणी चौकशीचे आदेश देण्यात आले असून, व्यवहार रद्द करण्यात आल्याची माहिती समोर आली आहे.