Pandharpur: ओमायक्रॉनच्या पार्श्वभूमीवर तृतीयपंथीयांची यल्लम्मा देवीची यात्रा रद्द ABP Majha

देशभरातील तृतीयपंथीयांच्या प्रमुख यात्रेपैकी पंढरपूर तालुक्यातील कासेगांव इथली यल्लम्मा देवीची यात्रा मानली जाते. ३० डिसेंबर ते १ जानेवारी कालावधीत हि यात्रा होणार होती. मात्र ओमायक्रॉनच्या पार्श्वभूमीवर यल्लम्मा देवीची यात्रा रद्द करण्यात आली आहे . या यात्रेच्या तीन दिवसाच्या कालावधीत देशभरातून तृतीयपंथी कासेगावात येऊन धार्मिक कार्यक्रम करीत असतात . यात्रेसाठी बाहेरील भाविकांनी कासेगांवला येऊ नये असे आवाहन स्थानीक प्रशासनाने केलं आहे. तर पोलीस प्रशासनाच्या वतीने कासेगांव मध्ये येणाऱ्या सर्वच मार्गावर बॅरेकेटींग केलं असून, पोलीस बंदोबस्तही ठेवण्यात आला आहे.