Palghar Dahanu Hit and Run चा थरार, पोलीस अधिकाऱ्याचा गाडीनं पादचाऱ्यांना उडवलं; दोन जण जखमी

पालघर : पालघर जिल्ह्यात डहाणूमध्ये भरधाव गाडीनं पादचाऱ्यांना उडवल्याची (Hit and Run case in Palghar) दुर्घटना घडली आहे. गाडी चालवणारा पोलीस अधिकारी असल्याचं सांगण्यात येतंय. चिंचणी ते डहाणू प्रवास करताना चालकानं बाजूनं चालत असलेल्या पती-पत्नीला धडक दिली. अपघातानंतर चालक फरार झाला अशी माहिती पोलीस उपअधीक्षकांनी दिली.  ही गाडी सहाय्यक पोलीस निरीक्षक सुहास खारमाटे यांच्या नावावर आहे.  

डहाणू पोलीस ठाण्याच्या सहाय्यक पोलीस निरीक्षक  सुहास खारमाटे यांच्या विरोधात  वाणगाव पोलीस ठाण्यात गुन्हा दाखल करण्यात आला आहे.  तारापूर ते डहाणू पोलीस ठाण्यापर्यंत भरधाव गाडी चालवून अपघात करून काहींना जखमी केल्याची घटना समोर आली आहे. त्यातील एकाची प्रकृती ही चिंताजनक असल्याने त्या व्यक्तीला नानावटी रुग्णालयात हलविण्यात आले आहे.