OBC Reservation :मध्य प्रदेशमध्ये ओबीसी आरक्षणाच्या मुद्यावरून पंचायत निवडणुका रद्द करण्याचा निर्णय

मध्य प्रदेशमध्ये ओबीसी आरक्षणाच्या मुद्यावरून पंचायत निवडणुका रद्द करण्याचा निर्णय राज्य निवडणूक आयोगानं घेतला आहे. महाराष्ट्राप्रमाणेच मध्य प्रदेशात ओबीसींच्या राजकीय आरक्षणाचा पेच निर्माण झाला होता. त्यामुळे तिथल्या शिवराजसिंह चौहान सरकारनं ओबीसींचा डेटा गोळा करेपर्यंत स्थानिक स्वराज्य संस्थांच्या निवडणुका पुढे ढकलण्याचा ठराव केला. आणि राज्यपालांमार्फत राज्य निवडणूक आयोगाकडे पाठवला. त्यानंतर निवडणूक आयोगानं तिथल्या निवडणुका रद्द करण्याची घोषणा केलीय. हा निर्णय़ महाराष्ट्राला दिलासा देणारा आहे. कारण महाराष्ट्र सरकारनंही मध्य प्रदेश सरकारप्रमाणेच विधिमंडळात ठराव केला आहे. त्यामुळे या ठरावावर राज्य निवडणूक आयोग निवडणुका पुढे ढकलण्याचा निर्णय घेणार का याची आता उत्सुकता आहे.