OBC Reservation Protest: 'भाजप आपलं OBC डीएनए विसरले का?', लक्ष्मण हाकेंचा फडणवीसांना सवाल

बीडच्या गेवराई तालुक्यात ओबीसी नेते लक्ष्मण हाके (Laxman Hake) आणि नवनाथ वाघमारे (Navnath Waghmare) यांनी मराठा आरक्षणाच्या (Maratha Reservation) जीआरवरून (GR) भाजप (BJP) आणि मनोज जरांगे (Manoj Jarange) यांच्यावर जोरदार हल्लाबोल केला. 'भारतीय जनता पार्टीने स्वतःला ओबीसींचा डीएनए म्हणून एका बाजूला सांगायचं आणि दुसऱ्या बाजूला ओबीसींचं आरक्षण संपविणारा जीआर काढायचा?', असा थेट सवाल लक्ष्मण हाके यांनी मुख्यमंत्री देवेंद्र फडणवीस (Devendra Fadnavis) यांना विचारला आहे. हैदराबाद गझेटियर जीआरच्या माध्यमातून मनोज जरांगे यांनी ओबीसी आरक्षण संपवल्याची टीकाही यावेळी करण्यात आली. जर ओबीसी समाज एकत्र आला नाही, तर पुढच्या पिढ्यांचे भवितव्य उद्ध्वस्त होईल, असा इशारा देतानाच, आता रस्त्यावर उतरण्याशिवाय पर्याय नाही, असा एल्गारही हाके यांनी केला. या सभेत प्रस्थापित मराठा नेत्यांवरही टीका करण्यात आली.