ACB Trap : 'दहा लाखांची लाच घेताना' जालना पालिका आयुक्त Santosh Khandekar यांना अटक!

जालना महानगरपालिकेचे आयुक्त संतोष खांडेकर यांना लाचलुचपत प्रतिबंधक विभागाने (ACB) अटक केली आहे. 'आरोपी खांडेकरनं तक्रारदाराकडे वीस लाखांच्या लाचेची मागणी केली होती,' आणि त्यापैकी दहा लाख रुपयांचा हप्ता स्वीकारताना त्यांना रंगेहाथ पकडण्यात आले. जालना शहरातील डीपी रोड, सिमेंट काँक्रीटीकरण आणि मनपा इमारतीच्या बांधकामाची बिले मंजूर करण्यासाठी ही लाच मागण्यात आली होती. एसीबीने आयुक्त खांडेकर यांच्या शासकीय निवासस्थानी सापळा रचून ही कारवाई केली. या अटकेनंतर पहाटेपर्यंत जालना आणि छत्रपती संभाजीनगर येथील त्यांच्या घरांची झडती सुरू होती. या कारवाईमुळे प्रशासकीय वर्तुळात मोठी खळबळ उडाली आहे.