PCMC Alliance Talks: Supriya Sule नी युतीचा प्रस्ताव दिला, Ajit Pawar गटाचे Yogesh Behl यांचा दावा

पिंपरी चिंचवड महानगरपालिका निवडणुकीच्या पार्श्वभूमीवर दोन्ही राष्ट्रवादी काँग्रेसच्या गटांमध्ये युती होण्याची चिन्हे दिसू लागली आहेत. उपमुख्यमंत्री अजित पवार (Ajit Pawar) गटाचे शहराध्यक्ष योगेश बहल (Yogesh Behl) यांनी यासंदर्भात माहिती दिली असून, शरद पवार (Sharad Pawar) गटाच्या नेत्या सुप्रिया सुळे (Supriya Sule) यांच्याकडून युतीचा प्रस्ताव आल्याचे त्यांनी म्हटले आहे. 'राष्ट्रवादी महानगरपालिकेच्या निवडणुकीमधे शरद पवार साहेबांची राष्ट्रवादी आणि दादांची राष्ट्रवादी दोन्ही एकत्र यायला तयार आहेत,' अशी माहिती योगेश बहल यांनी दिली आहे. या युतीसाठी दोन पाऊले मागे येण्याचीही तयारी अजित पवार गटाने दर्शवली आहे, मात्र ही युती महायुतीसोबत नसेल, असेही बहल यांनी स्पष्ट केले. यावर अंतिम निर्णय शरद पवार आणि अजित पवार यांच्यातील चर्चेनंतरच होणार आहे.