Hidden Cam Scandal: 'चेंजिंग रूममध्ये स्पाय कॅमेरा लावून अश्लील चित्रण', Navi Mumbai मधील फार्महाऊस मॅनेजरला अटक

नवी मुंबईतील (Navi Mumbai) तळोजा (Taloja) परिसरात एक धक्कादायक प्रकार उघडकीस आला आहे, जिथे एका फार्महाऊसच्या व्यवस्थापकाने महिलांच्या चेंजिंग रूममध्ये स्पाय कॅमेरा लावून त्यांचे चित्रण केले. फार्महाऊसच्या व्यवस्थापकाने बाथरूममध्ये स्पाय कॅमेरा बसवून 'पाहुण्यांचे कपडे बदलतानाचे किंवा इतर खासगी क्षणांचे अश्लील व्हिडिओ चित्रण केले होते,' अशी माहिती पोलिसांनी दिली आहे. या घटनेनंतर तळोजा पोलिसांनी (Taloja Police) तातडीने कारवाई करत आरोपी व्यवस्थापकाला अटक केली आहे. पोलिसांनी घटनास्थळावरून स्पाय कॅमेरा आणि इतर साहित्य जप्त केले आहे. या गंभीर गुन्ह्याप्रकरणी न्यायालयाने आरोपीला ३० ऑक्टोबरपर्यंत पोलीस कोठडी सुनावली असून, या प्रकरणाचा पुढील तपास पोलीस निरीक्षक निकम करत आहेत. या घटनेमुळे महिलांच्या सुरक्षेचा प्रश्न पुन्हा एकदा ऐरणीवर आला आहे.