Delhi Blast: दिल्ली स्फोटानंतर मुंबईत हाय अलर्ट, Siddhivinayak मंदिरात सुरक्षा वाढवली

दिल्लीतील लाल किल्ल्याजवळ झालेल्या स्फोटानंतर मुंबईत हाय अलर्ट जारी करण्यात आला आहे. या स्फोटात नऊ जण ठार तर वीस जण जखमी झाले आहेत. या पार्श्वभूमीवर, मुंबईतील सिद्धिविनायक मंदिर आणि परिसरातील सुरक्षा व्यवस्था कडक करण्यात आली आहे. मंदिराचे कोषाध्यक्ष आचार्य पवन त्रिपाठी यांनी पोलीस प्रशासनासोबत चर्चा करून सुरक्षेबाबतचे मुद्दे उपस्थित केले. यानंतर दादर, छत्रपती शिवाजी महाराज टर्मिनस आणि चर्चगेट यांसारख्या प्रमुख रेल्वे स्थानकांवरही पोलीस बंदोबस्त वाढवण्यात आला आहे. सिद्धिविनायक मंदिर ट्रस्टनेही तातडीची बैठक घेऊन सुरक्षेचा आढावा घेतला. मंगळवारी मंदिरात होणारी गर्दी लक्षात घेता कोणताही अनुचित प्रकार घडू नये यासाठी विशेष खबरदारी घेतली जात आहे.