MCA Elections: राष्ट्रवादीचे आव्हाड मुख्यमंत्र्यांच्या दारी, पवारांनंतर आता फडणवीसांचा आशीर्वाद निर्णायक?

मुंबई क्रिकेट असोसिएशनच्या (MCA) अध्यक्षपदाच्या निवडणुकीसाठी राजकीय हालचालींना वेग आला असून, राष्ट्रवादी काँग्रेसचे अध्यक्ष शरद पवार (Sharad Pawar) आणि तत्कालीन मुख्यमंत्री देवेंद्र फडणवीस (Devendra Fadnavis) यांचा पाठिंबा मिळवण्यासाठी नेते प्रयत्नशील आहेत. एमसीएच्या अध्यक्षपदासाठी शरद पवार आणि देवेंद्र फडणवीस या दोघांचाही पाठिंबा मिळवणं सध्या महत्त्वाचं मानलं जातंय. याच पार्श्वभूमीवर, भाजपचे आमदार प्रसाद लाड आणि आमदार प्रताप सरनाईक यांनी शरद पवारांची भेट घेतल्यानंतर, राष्ट्रवादीचे आमदार जितेंद्र आव्हाड (Jitendra Awhad) यांनी मुख्यमंत्री देवेंद्र फडणवीस यांची त्यांच्या 'वर्षा' या शासकीय निवासस्थानी भेट घेतली. आव्हाड हे एमसीएला संलग्न असलेल्या मांडवी मुस्लिम क्लबचे प्रतिनिधी आहेत. या भेटीगाठींमुळे MCA निवडणुकीतील चुरस वाढली आहे.