City Sixty Superfast :26 Aug 2025 : 11 AM : सिटी 60 बातम्यांचा सुपरफास्ट आढावा एका क्लिकवर ABP Majha

मराठा आरक्षणाच्या मागणीसाठी मनोज जरांगे पाटील यांच्या आंदोलनावर आज मंत्रिमंडळाच्या बैठकीत चर्चा होण्याची शक्यता आहे. जरांगे पाटील यांनी पुकारलेल्या आंदोलनाला काही दिवस शिल्लक आहेत. उपमुख्यमंत्री एकनाथ शिंदे सलग दोन आठवडे मंत्रिमंडळाच्या बैठकीला गैरहजर राहिल्याने राजकीय वर्तुळात नाराजीची चर्चा सुरू आहे. मुख्यमंत्री फडणवीस यांनी जरांगे पाटील यांना उत्तर देताना, "लोकशाही पद्धतीनं कोणी आंदोलन करणार असेल त्या सरकार कोणालाही रोखणार नाही. मात्र गणेशोत्सव हा हिंदूंचा सण आहे, त्यामध्ये कोणीही विघ्न आणू नये," असे म्हटले आहे. राष्ट्रीय ओबीसी महासंघाच्या गोवा अधिवेशनात मराठा आंदोलनात दंगल घडवण्याचा कट झाल्याचा आरोप मनोज जरांगे यांनी केला आहे. यावर ओबीसी समाजाला बदनाम करण्याच्या हेतूने जरांगे यांनी हे आरोप केले असावेत, अशी प्रतिक्रिया बबनराव तायवाडे यांनी दिली. रोहित पवार यांनी संजय शिरसाट यांच्यावर सिडको जमीन घोटाळ्याचे आरोप केले आहेत. नाशिकमध्ये पावसामुळे धरणांमधून पाण्याचा विसर्ग सुरू आहे, त्यामुळे गोदावरी नदीच्या पाणी पातळीत वाढ झाली आहे. सोलापूरमधील उजनी धरण भरल्याने भीमा नदीत पाण्याचा विसर्ग सुरू आहे. छत्रपती संभाजीनगरमध्ये पेट्रोल पंप पेटवून देण्याचा प्रयत्न झाला, तर कोल्हापूरमध्ये गॅस पाईपलाईन स्फोटात चार जण जखमी झाले. पुण्यामध्ये दुचाकीच्या सर्विस सेंटरमध्ये आग लागून साठ दुचाकी जळून खाक झाल्या. सुप्रिया सुळे यांनी मुंबईतील दारू विक्रीचे दुकान बंद करण्याबाबत अजित पवारांना विनंतीपत्र दिले आहे.