OBC Sakhali Portest | OBC समाज आक्रमक, साखळी उपोषण सुरुच राहणार

मराठ्यांना दिलेल्या आरक्षणावरून ओबीसी समाज आक्रमक झाला आहे. नागपुरात ओबीसी महासंघाचं साखळी उपोषण आजही सुरू असून, मराठा समाजाला ओबीसी अंतर्गत आरक्षण देऊ नये आणि सरसकट कुणबी प्रमाणपत्र देऊ नये, अशी त्यांची मागणी आहे. सरकार लेखी आश्वासन देत नाही तोपर्यंत उपोषण सुरूच ठेवणार असल्याची भूमिका ओबीसी महासंघानं घेतली आहे. मराठा आरक्षणाबाबत शासनाच्या निर्णयानं ओबीसी समाजावर अन्याय होत असल्याची भावना व्यक्त होत असल्याने, राज्य शासनानं ओबीसी समाजासाठी स्वतंत्र मंत्रिमंडळाची उपसमिती गठीत केली आहे. या समितीच्या अध्यक्षपदी चंद्रशेखर बावनकुळे असून, मंत्री छगन भुजबळ, गणेश नाईक, गुलाबराव पाटील आणि पंकजा मुंडे यांचा समावेश आहे. लक्ष्मण हाकेमकडून बारामतीत ५ सप्टेंबरला ओबीसी आरक्षणासह बहुजन हक्क आणि अधिकार बचाव आंदोलनाची हाक देण्यात आली आहे. "संघर्ष अटळ आहे कोणी काहीही म्हणू आपल्याला लढायचंच आहे" असा नाराही हाकेमनी दिला आहे. अंतर्वली कराटी येथे ओबीसी आंदोलकांनी सोमवारपासून उपोषणाला सुरुवात केली असून, आज चौथा दिवस आहे. बाळासाहेब बटुळे, बाळासाहेब दखणे, विठ्ठल तळकर, श्रीहरी निर्मल यांचा उपोषणामध्ये सहभाग आहे. निवृत्त न्यायमूर्ती संदीप शिंदे यांची समिती रद्द करावी आणि ५८ लाख कुणबी प्रमाणपत्र रद्द करावी, अशा त्यांच्या प्रमुख मागण्या आहेत. ओबीसी नेते प्रकाश शेंडगे यांनी अंतर्वलीतील उपोषण आणखी तीव्र करण्याच्या सूचना दिल्या आहेत.