Manoj Jarange Sumons: आझाद मैदानातील आंदोलन प्रकरणी मनोज जरांगेंना मुंबई पोलिसांचं समन्स

मराठा आरक्षण कार्यकर्ते मनोज जरांगे पाटील (Manoj Jarange Patil) आणि त्यांचे पाच सहकारी पांडुरंग तारसे, गंगाधर काळकुटे, चंद्रकांत भोसले, वीरेंद्र पवार आणि प्रशांत सावंत यांना मुंबई पोलिसांनी (Mumbai Police) समन्स बजावले आहे. आझाद मैदानावर (Azad Maidan) झालेल्या आंदोलनादरम्यान नियमांचे उल्लंघन केल्याचा आणि परवानगीशिवाय आंदोलन केल्याचा आरोप त्यांच्यावर आहे. या सर्वांना १० नोव्हेंबर रोजी चौकशीसाठी आझाद मैदान पोलीस ठाण्यात हजर राहण्याचे निर्देश देण्यात आले आहेत. मनोज जरांगे यांनी मराठा आरक्षणाच्या मागणीसाठी मुंबईतील आझाद मैदानावर उपोषण केले होते, त्यावेळच्या घटनांशी संबंधित हे प्रकरण आहे. एका बाजूला जरांगे पाटील यांचा राजकीय संघर्ष सुरू असताना, आता या कायदेशीर कारवाईमुळे त्यांच्या अडचणीत वाढ होण्याची शक्यता वर्तवण्यात येत आहे.