Nashik Crime: लहान मुलांच्या भांडणावरून मालेगावात तुफान राडा, दोन गटांमध्ये थेट गोळीबार!

नाशिक (Nashik) जिल्ह्यातील मालेगावमध्ये (Malegaon) एक धक्कादायक घटना घडली असून, लहान मुलांमधील भांडणाचे पर्यवसान दोन गटांमधील तुफान राडा आणि गोळीबारात झाले आहे. ‘एकाच गल्लीत राहणाऱ्या दोन गटांमध्ये झालेला हा वाद थेट गोळीबार आणि हाणामारीपर्यंत पोहोचला.’ या घटनेमुळे परिसरात तणावाचे वातावरण निर्माण झाले असून कायदा आणि सुव्यवस्थेचा प्रश्न ऐरणीवर आला आहे. मिळालेल्या माहितीनुसार, या प्रकरणी आयशानगर पोलीस ठाण्यात (Aishanagar Police Station) गुन्हा दाखल करण्यात आला असून मुख्य आरोपीला पोलिसांनी ताब्यात घेतले आहे. किरकोळ कारणावरून थेट गोळीबार झाल्याने नागरिकांमध्ये भीतीचे वातावरण पसरले आहे.