Godavari Water Level Rise | गोदावरी नदीच्या पाणी पातळीत वाढ, रस्ते पाण्याखाली

बुधवारी मध्यरात्रीपासून सुरू झालेल्या पावसामुळे गोदावरी नदीच्या पाणी पातळीत लक्षणीय वाढ झाली आहे. यामुळे परिसरातील सर्व रस्ते जलमय झाले आहेत. गंगापूर धरणातून सात हजार तीनशे बाहत्तर क्युसेक वेगाने पाण्याचा विसर्ग सुरू आहे. अहिल्याबाई होळकर पुलापासून पाण्याचा विसर्ग दहा हजार आठशे चोपन्न क्युसेक वेगाने वाढला आहे. रामकुंड, लक्ष्मणकुंड, गांधी तलाव परिसरातील सर्व रस्ते पाण्याखाली गेले आहेत. हे पाणी नांदूर मध्यमेश्वरपासून जायकवाडीच्या दिशेने वेगाने झेपावत आहे. यामुळे नाशिक जिल्ह्यासह अहिल्यानगर आणि मराठवाड्याच्या नागरिकांची पाण्याची तहान भागणार आहे. या पाण्यामुळे संपूर्ण परिसर सुजलाम सुफलाम होण्यास मदत होणार आहे. या परिस्थितीचा आढावा घेण्यासाठी आमचे प्रतिनिधी मुकुल कुलकर्णी यांनी पाहणी केली आहे.