MOA Election: 'निवडणूक बिनविरोध करायची आहे', Devendra Fadnavis यांच्या मध्यस्थीनंतर Mohol-Pawar यांच्यात तोडगा

महाराष्ट्र ऑलिंपिक असोसिएशनच्या (Maharashtra Olympic Association) निवडणुकीवरून उपमुख्यमंत्री अजित पवार (Ajit Pawar) आणि केंद्रीय राज्यमंत्री मुरलीधर मोहोळ (Muralidhar Mohol) यांच्यात सुरू असलेला संघर्ष अखेर संपुष्टात आला आहे. 'ही निवडणूक बिनविरोध करायची आहे,' असे मुरलीधर मोहोळ यांनी देवेंद्र फडणवीस (Devendra Fadnavis) यांच्या पुढाकाराने झालेल्या बैठकीनंतर स्पष्ट केले. या समझोत्यानुसार, मुरलीधर मोहोळ अध्यक्षपदाचा अर्ज मागे घेणार असून, अजित पवार यांचे अध्यक्षपद कायम राहण्याची शक्यता आहे. चर्चेनुसार, मोहोळ यांच्या गटाला वरिष्ठ उपाध्यक्षपदासह ११ जागा मिळतील, तर अजित पवार यांच्या गटाकडे १० जागा राहतील. खजिनदार आणि सचिवपदही मोहोळ गटाकडे जाण्याची शक्यता वर्तवली जात आहे. या घडामोडींमुळे क्रीडा विश्वातील राजकीय चुरस तूर्तास संपली असून, आज होणाऱ्या बैठकीनंतर अंतिम चित्र स्पष्ट होईल.